Back أبواب جناح النورس Arabic Flügeltür German Gull-wing door English Puertas de ala de gaviota Spanish در بالپرندهای Persian Porte papillon French Portas de á de gaivota Galician Porta ad ala di gabbiano Italian ガルウィングドア Japanese 걸윙 도어 Korean
Kaio-hegaleko ateak edo antxeta-hegaleko ateak terminoa erabiltzen da sabaiari lotuta dauden eta bertikalki irekitzen diren automobileko ate-mota bat deskribatzeko, ohiko ateak ez bezala. Horrela deitzen zaie, irekita daudenean, ateek hegoak zabalduta dituen kaio baten irudia gogorarazten dutelako.
Mota horretako ateekin seriean ekoitzitako autoen adibiderik ezagunenak 1950eko hamarkadako Mercedes-Benz 300 SL, 70eko hamarkadako Bricklin SV-1, 80ko hamarkadako DMC DeLorean eta 2010eko hamarkadako Mercedes-Benz SLS AMG dira. Prototipo batzuk, 60/70 hamarkadako Mercedes-Benz C111 bezalakoak, ate mota honekin fabrikatu ziren.
Kaio-hegaleko ateak diseinu aeronautikoetan ere erabili dira; bi adibide dira Socata TB hegazkin frantziarrak eta Cessna 350 Corvalis estatubatuarrak.